|
Mii lea oahpahusbuohcciruoktu?
Oahpahusbuohcciruovttu jurdda/ idea konkretiserejuvvui vuosttaš geardde Nášuvnnalaš Geriatriijaprográmma bokte 1996:as.
Oahpahusbuohcciruovttut ásahuvvoje bissovaččat jagis 2004 ja ruhtaduvvojedje Sosiala- ja dearvvašvuođadirektoráhta (ShDir), isitgieldda ja dan ovttaskas oahpahusbuohcciruovttu bokte.
Oahpahusbuohcciruovttut galget leat vuolggasadjin fágaovdánahttimii ja klinihkalaš dutkamii mat gusket vugiide mo buorida buhcciide divššu, fuola ja dálkumii ja maiddái nannet boarrásiid gaskkas vásáhusaid eallinlági, oadjebasvuođa ja árvvu hárrái.
Oahpahusbuohcciruovttuin lea dikšu ja fuolla guovddážis. Navdit ahte buoret dikšu, fuolla ja dálkun buhcciide buoremusat šaddá go árjjalaččat ovddidit gelbbolašvuođa, fágasuorggi ja dutkama doppe gos fuolahus doaimmahuvvo, lagas ovttasbargguin spesialisttadearvvašvuođabálvalusain ja vuođđodearvvašvuođabálvalusain.
Buoridit boarrásiidfuolahusa kvalitehta
Oahpahusbuohcciruovttut oassálastet buoridit gielddalaš boarrásiidfuolahusa kvalitehta dáid bargguid bokte:
- Lasihit ja sihkkarastit dikšo- ja fuolahusbargguid kvalitehta buohcciruovttuin
- Loktet geriatralaš fuolahusbarggu alla fágalaš dássái
- Loktet fuolahusbarggu fágalaš árvvu
- Buoridit fágabargiid bestema buohcciruovttuide
- Ásahit buori akademalaš birrasa buohcciruovttuide
- Ovddidit buriid hárjehallanvejolašvuođaid dearvvašvuođafágalaš studeanttaide.
Gos Norggas?
Vuosttaš oahpahusbuohcciruoktoprošeakta lei čadnon Norgga universitehtagávpogiidda: Oslo, Bergen, Troanddin ja Romsa. Dáppe ledje njeallje buohcciruovttu válljejuvvon našuvnnalaš pilohtaprošeaktan. Lassin válljejuvvui okta buohcciruoktu Kárášjogas danin go lei sávahahtti ahte earenoamážiid guovdilastá osiid sámi álbmoga dearvvašvuođas. Dearvvašvuođaregiovdna Mátti oahpahusbuohcciruoktu, Songdalen buohcciruovttus lea leamaš oahpahusbuohcciruoktoprošeaktan 2001 rájes, stáhta doarjaga haga, muhto jagi 2005 rájes lea maiddái dát buohcciruoktu ásahuvvon oktan dan guđa váldooahpahusbuohcciruovttus.
Biđgen
Dehálaš bargun oahpahusbuohcciruktui lea gaskkustit sin bohtosiid eará buohcciruovttuide riikkas. Sosiala- ja dearvvašvuođadirektoráhta ulbmil lea ahte galgá ásahuvvot okta oahpahusbuohcciruoktu juohke fylkkas. Dákkár biđgen mielddisbuktá ahte juohke váldooahpahusbuohcciruoktu oažžu nugohčoduvvon “satelihttaoahpahusbuohcciruovttuid” iežaset dearvvašvuođaregiovnna siste.
Oahpahusbuohcciruovttus Dearvvašvuođaregiovnnas Máddin (Songdalen buohcciruoktu)
leat formálalaš ovttasbarggut guđain gielddain Oarje- Agderis ja Sørlandet buohcciviesuin, ja maiddái ovttain satelihttaoahpahusbuohcciruovttuin Grimstad gielddas.
Oahpahusbuohcciruovttus Dearvvašvuođaregiovnna Oarjjis(Løvåsen buohcciruoktu)
lea soadjásis vuolde okta satelihttaoahpahusbuohcciruoktu Førdes ja okta Stavangeris. Jagis 2007:as galgá ásahuvvon okta satelihttaoahpahusbuohcciruoktu Fonnas.
Oahpahus buohcciruovttus Dearvvašvuođaregiovnnas Gaska- Norggas (Søbstad buohcciruoktu)
lea okta satelihttaoahpahusbuohcciruoktu Kristiansundas.
Oahpahusbuohcciruovttut Dearvvašvuođaregiovnnas Davvin
, Kroken buohcciruovttus Romssas ja Kárášjoga buohcciruovttus lea lagas ovttasbargu goabbat guimmiineaskka, ja lassin lea ásahuvvon fierpmádat Finnmárkku gielddaiguin ja ovttasbargu njeljiin gielddain Helgelánddas. Helgelándda buohcciruoktu lea Kroken buohcciruovttu satelihttaoahpahusbuohcciruoktu.
Oahpahusbuohcciruovttus Dearvvašvuođaregiovnnas Nuortan (Abildsø ássan- ja veajuidahttinguovddáš)
ovttasbargá máŋggain buohcciruovttuin regiovnnastis fágaovdánahttinfierpmádaga bokte. 2006 čavčča ásahuvvui Lørenskoga gielddas satelihttaoahpahusbuohcciruoktu, Lørenskoga buohcciruoktu. Jagis 2007 lea Ottestad buohcciruoktu Hamaris šaddan satelihttaoahpahusbuohcciruoktun
Iešguđetlágan dutkan- ja fágaovddidansuorggit
Oahpahusbuohcciruovttuin leat iešguđetlágan dutkan- ja fágaovddidansuorggit. Sáhtát lohkan eambbo daid birra go geahčat siidduid prošeavttat, kurssat ja doaimmat.
|  Utskriftsvennlig versjon |
|
